លោក សរ ចំរុង អភិបាលខេត្ត និងឧត្តមសេនីយ៍ត្រី ជួង ស៊ាងហាក់ ស្នងការនគរបាលខេត្តក្រចេះ។ នប.ជក
ដោះលែងអ្នកកាសែតនិងមន្ត្រីរដ្ឋបាលព្រៃឈើដែលបាញ់សេរី និងបង្ករបួស
www.postkhmer.com
ក្រចេះ:
មន្រ្តីកងរាជអាវុធហត្ថខេត្តក្រចេះកាលពីថ្ងៃម្សិលមិញអះអាងឲ្យដឹង
ថា អ្នកកាសែតក្នុងស្រុកម្នាក់និងមន្ត្រីរដ្ឋបាលព្រៃឈើម្នាក់
ដែលត្រូវបានចាប់ខ្លួនពាក់ព័ន្ធនឹងការបាញ់បោះសេរី
និងវាយដំបុរសម្នាក់ឲ្យរងរបួស នៅក្នុងស្រុកសម្បូណ៌ ខេត្តក្រចេះ
កាលពីសប្តាហ៍មុន ត្រូវបានដោះលែងឲ្យមានសេរីភាពវិញហើយ។
លោក
ស្រី វុត្ថា មេបញ្ជាការរងកងរាជអាវុធហត្ថខេត្តក្រចេះបានប្រាប់ថា
លោក ឃុត ឃី ជាភ្នាក់ងារកាសែតដំណឹងថ្ងៃនេះ និងលោក សេង ចន្ទតារ៉ុង
នាយរដ្ឋបាលព្រៃឈើសណ្ដាន់ មានស្នាក់ការនៅស្រុកសម្បូណ៌
ដែលត្រូវឃាត់ខ្លួនកាលពីថ្ងៃទី១៤កញ្ញា ពីបទបាញ់បោះសេរី
និងវាយដំបុរសម្នាក់ឲ្យរងរបួស នៅក្នុងភូមិកេងប្រាសាទ
ឃុំ-ស្រុកសម្បូណ៌ ត្រូវបានដោះលែងកាលពីថ្ងៃចន្ទ
បន្ទាប់ពីបានសារភាពនូវកំហុសនិងទទួលការអប់រំពីមន្ត្រីកងរាជ
អាវុធហត្ថខេត្ត។
លោក ស្រី វុត្ថា បញ្ជាក់ថា
ការដោះលែងអ្នកកាសែតដំណឹងថ្ងៃនេះ
និងមន្ត្រីរដ្ឋបាលព្រៃឈើសណ្ដាន់នេះបានធ្វើឡើងដោយមានការឯក
ភាពពីអភិបាលខេត្តក្រចេះលោក សរ ចំរុង។
លោក ជុង សុគន្ធា
មេបញ្ជាការកងរាជអាវុធហត្ថស្រុកសម្បូណ៌ ប្រាប់ថា លោក ឃុត ឃី និងលោក
សេង ចន្ទតារ៉ុង ត្រូវបានចាប់ខ្លួនពាក់ព័ន្ធនឹងការបាញ់បោះសេរី
និងវាយដំបុរសម្នាក់ឲ្យរងរបួស នៅក្នុងភូមិកេងប្រាសាទ
ឃុំសម្បូណ៌ ស្រុកសម្បូណ៌។
លោកមេបញ្ជាការប្រាប់ថា ៖«ពួកគាត់
ត្រូវកម្លាំងរាជអាវុធហត្ថយើងចាប់ខ្លួន
បន្ទាប់ពីការបាញ់កាំភ្លើងបីគ្រាប់
គំរាមអ្នកអុំទូកតាមដងទន្លេម្នាក់ ដែលដឹកឈើប្រណីតពីរដុំ
យកទៅធ្វើគ្រែប្រើប្រាស់ផ្ទាល់ខ្លួន
និងវាយម្ចាស់ទូកឲ្យរងរបួសស្មា»។
លោកមេបញ្ជាការអះអាងថា៖
«ពួកគេបានចោទប្រកាន់ជនរងគ្រោះថា បានដឹកឈើប្រណីតខុសច្បាប់។
ពួកគេឆែកឆេរទូកជនរងគ្រោះ ហើយប៉ុនប៉ងវាយខ្នោះដៃគាត់
ដើម្បីគាបទារលុយ។
ប៉ុន្តែជនរងគ្រោះបានប្រឆាំងនឹងការដាក់ខ្នោះនោះ»។
លោក សរ
ចំរុង អភិបាលខេត្តក្រចេះ លោក តូច សាខឿន
ប្រធានសាលាដំបូងខេត្តក្រចេះនិងលោក ចាត សូរស្មី
ព្រះរាជអាជ្ញាអមសាលាដំបូងខេត្ត
មិនអាចទាក់ទងសុំការអធិប្បាយបញ្ជាក់បានទេ កាលពីថ្ងៃម្សិលមិញ។
ចំណែកឯ
លោក ឃុត ឃី និងលោក សេង ចន្ទតារ៉ុង
ក៏មិនអាចទាក់ទងបានដែរកាលពីថ្ងៃម្សិលមិញ
ពាក់ព័ន្ធនឹងការចោទប្រកាន់ខាងលើនេះ៕
No comments:
Post a Comment